Realak XIV. Euskal Herria Kopa irabazi du penaltietan Athletic Club taldeari nagusitu ondoren gaur arratsaldean Berazubin jokatu den partidan. Partida oso lehiatua eta parekatua izan da, aurredenboraldia ahalik eta sentsazio onenekin ixteko balio izan duena.
Lehen zatia oso lehiatua egon da eta abaguneak izan dira bi taldeentzat. Lehenengo aukera txuri-urdinek izan dute, oso gutxigatik kanpora joan den, Lucia Pardok 30 metroetatik egindako errematearekin. Bizkaitarren artean onena handik gutxira iritsi da Elenek geldiketa bikain batekin Elexpururen eskuinkada alderatu duenean. Nereak ere bi abagune oso argi izan ditu, batez ere bigarrena, antzeko bi jokalditan: lehenengoan ezkerkada desbideratuta joan da eta, bigarrenean, Nanclaresek kornerrera urruntzea lortu du. Lehen zatiko azkena Leire Bañosek langaren gainetik bidali duen Elexpururen erdiraketa bat izan da. Golik ez atsedenaldira iritsterako.
Bigarren zatiak lehen berrogeita bost minutuen ildoari jarraitu dio. Intentsitate handia bi taldeen aldetik, baina aukera argirik gabe. Onenak txuri-urdinek izan dituzte: lehenik, Nanclaresek harrapatu duen Franssiren burukada, eta, luzapenean, langa gainetik irten den Violeta Quilesen errematea. Finala penaltietan erabaki da, eta hor, donostiarrak hobeto aritu dira, batez ere Elene Lete, bizkaitarren bost jaurtiketetatik bi gelditu baititu.
Liga hasierara baldintza onenetan iristeko balio izan duen partida batekin amaitu du aurredenboraldia Realak. Datorren larunbatean hasiko da onena, Sevilla FC taldearen aurka. Aurrera Real!
Fitxa teknikoa:
Real Sociedad: Lete, Emma, Lucía, Vanegas, V. Quiles, Cahynová (Lavogez, min. 46), Andreia, Lorena (Intza, min. 71), N. Eizagirre (kap.), Amaiur (Franssi, min. 46) eta L. Pardo (Cecilia, min. 88).
Athletic Club: A. Nanclares, Elexpuru, Maddi (Estefa, min. 95), Bibi, Gara (Agote, min. 64), Itxaso (Mariana, min. 46), Oguiza (kap.) (Valero, min. 46), L. Baños, Pinedo, Azkona (Nerea Nevado, min. 64) eta P. Zugasti (Sanadri, min. 69).
Golak (penaltiak): 0-0: Pinedo (Leteren geldiketa); 1-0: N. Eizagirre; 1-0: L. Baños (Leteren geldiketa); 2-0: Lucía; 2-1: Nerea Nevado; 2-1 Vanegas (A. Nanclaresen geldiketa); 2-2: Sanadri; 3-2: Cecilia; 3-2: Mariana (kanpora).
Epailea: Gallastegui Pérez. Txartel horia erakutsi die kanpoko Valero eta Pinedori.