Denboraldiko partidarik berezienetako bat heldu da. Hemen da derbia eta, gainera, bitaldeak taularen goiko aldean egonda. Mestallan lortutako garaipenak, etxetik kanpo lortutako lehenak, txuri-urdinen bide ona berretsi du. Derbiak beti dira derbi eta taldeen aurreko dinamikek garrantzi gutxi dute. Laurogeita hamar minutuek, edo ehun minutuk baino gehiagok, ez dute sasoiko dauden edo momentu onean iristen diren taldeekin zerikusirik. Partida desberdinak dira.
Reale Arena zelai zaila izaten jarriatu behar du arerioentzat. Imanolen mutilek etxean sendo daude eta, golen bidez, aurrera atera dituzte azken partidak. Azken bost urteetako bizileku naturalean igota, txuri-urdinak talde ausarta eta kalitatezkoa dira eta, aurten ere, urte osoan oso goian egoteko hautagai handia izango dela erakusten ari dira.
Zuri-gorriek oso ondo ekin diote txapelketari. Nahiz eta partidara baja garrantzitsuekin iritsi, Valverderen taldeak aurrerapausoa eman du bere jokoan eta, bere bertute tradizionalak oso ondo aprobetxatuz, talde lehiakor eta sendoa bihurtzen ari dira, urte batzuk lehenago ohituta gintuen taldearen antzekoa. Eguna, ordua, giroa... Faktore guztiek laguntzen dute partida bat izan dadin. Urteko partida da.