Hurrengo aurredenboraldiaren datak ezagutzen hasi dira. Uztailaren 8tik aurrera lehen taldeak entrenamenduak hasiko ditu. Aurredenboraldi honetan, aurreko denboraldian bezala, taldeak Zubietako instalazioak eta baliabideak aprobetxatuko ditu eta ez dago Gipuzkoatik kanpo stagerik egiteko asmorik. Txuri-urdinek entrenamenduak eta lagunartekoak tartekatuko dituzte, eta datozen egunetan iragarriko da prestaketa partiden egutegia.
Sanse
Bestalde, denboraldi honetan Bigarren Mailara itzuliko den Sansek uztailaren 5ean ekingo dio aurredenboraldiari. Lehen taldeak bezala, harrobiko taldeak instalazio txuri-urdinak erabiliko ditu denboraldi berria prestatzeko. Datozen egunetan ezagutuko dira udan jokatuko diren lagunartekoak.