Realak 38.000 bazkiderekin hasiko du denboraldia. Duela urtebete itxi zen alten kupoa, eta ordutik etengabe hazi den itxaron-zerrenda bat aktibatu zen. Une honetan, 3.132 pertsona daude bazkide egiteko zain.
Zerrendak aldaketak izan ditu altak egin ahal izan direnean. Urtero bajak gertatzen dira hainbat arrazoirengatik, eta horren ondorioz 2022-23 denboraldian zehar 600 RS Fans baino gehiago bazkide bihurtu izan dira.Gogoratu behar da RS Fans-ak lehentasuna dutela itxaron-zerrendan. Gaur egun, dagoeneko bazkide kategoria duten RS Fans kenduta eta RS Fans egin direnak gehituta, 1.861 RS Fans dira guztira.
Klikatu HEMEN RS Fan egiteko
200 sarrera inguru Ligako estreinaldirako
Klikatu HEMEN eta lortu zure sarrerak
Argi dago jendeak ondo pasatzen duela Reale Arenan. 22-23 denboraldian "txartelik ez" kartela zintzilikatu zen aldien errekorra hautsi bazen -24 partidatatik 10etan-, kanpaina honek horri dagokionez ere berri onak emango dizkigu.
Horren erakusle da Ligako estreinaldirako 200 sarrera baino ez direla geratzen salgai, gehi bazkide-txartelen klubari gaur hasi eta partida eguna bitartean egiten zaizkion lagapenak.
Klikatu HEMEN eta kudeatu zure lagapenak Realzale App-atik
Asistentziak ere gora egin du
Partidak eta, sarritan, ordutegiak metatu diren arren, gure bazkideen erantzuna bikaina izan zen aurreko denboraldian. Bazkideen batez besteko asistentzia Reale Arenan (38.000 guztira) %78 izan zen. 21-22ko denboraldian %74koa izan zen (onartutako ikusle kopuru txikiko partidak kontuan hartu gabe).
Batez besteko asistentzia ere handitu da. 21-22 denboraldian, batez bestekoa 30.000 ikusle ingurukoa izan zen, eta itxi dugun kanpainan, berriz, zifra 32.193 parte hartzailera handitu da aurreko denboraldian, eta horietatik %85 bazkide izan dira.