Zein politak egongo diren etxeetako balkoiak gure koloreekin apainduta! Datozen asteetan txuri-urdina protagonista izatea nahi dugu, Realaren armarria eta urdina eta zuria koloreak kale guztietan egotea nahi dugu, apirilaren 3an Sevillan jokatuko den Kopako finalari begira taldea animatzeko.
Eta horregatik, finalerako diseinatutako bandera berezia erosi dezakezu jada Realeko denda ofizialetan (Elkano, Reale Arena eta online) eta BM Supermerkatuak Gipuzkoan dituen establezimenduetan ere bai.
Banderaren neurria 100x70 zentimetrokoa da, eta marra zuri eta urdin ezagunak ditu, 'Gurekin' leloarekin eta armarria urre kolorean. Gipuzkoako udalerri guztiak idatzita agertzen dira. Lau euro balio du.
Balkoietatik ere animatu dezagun! Bizi dezagun finaleko derbia balkoietatik.
Bufandak
Finalaren omenezko bufandak ere eskuragarri daude Realeko denda ofizialetan. Hemen erosi ditzakezu.