Arantza atera

Realak arratsaldean uste baino garrantzi handiagoa duen partida du aurretik. Wanda Metropolitano estadioan estreinatzea motibazio handiko erronka da, baina partida hau Kopatik at geratu ondoren iristen da, eta horrek piztu egin beharko lituzke txuri-urdinak bere zaleak alaitzeko asteazkeneko kolpearen ostean. Partida zailtasun handikoa da, beraz, gipuzkoarrek bere kartak ondo jokatu beharko dituzte puntuak etxera ekartzeko.

Aurtengo Atletico ez da azken urtetan ikusten ohituak gauden Atletico izaten ari, baina Simeoneren taldeak bere nortasuna mantentzen du, azkenaldian Europako gailurrera eraman duena. Ez du orain hilabete batzuk zuen distira hura (liderratik zortzi puntura eta Txapeldunen Ligako final zortzirenetako txartela zail dutela), baina sendotasun defentsiboa mantentzen dute, gainditzeko oso talde zaila izaten jarraitzen duelarik.