Realak Atletico de Madriden aurka neurtuko ditu indarrak Errege Kopako final-zortzirenetako kanporaketan. Gaur eguerdian Las Rozasen egindako zozketak talde madrildarrarekin parekatu ditu txuri-urdinak, egungo Ligako txapeldunak. Kanporaketa, partida bakarrera, urtarrilaren 19 edo 20ean jokatuko da Reale Arenan.
Bi taldeen artean hamar kanporaketa jokatu dituzte guztira iraganean, lau sailkapenekin Realarentzat (40-41, 68-69, 86-87 eta 87-88) eta sei Atleticorentzat (42-43, 45-46, 64-65, 70-71, 75-76 eta 98-99).