Sandro Ramirezek zale txuri-urdinen berotasuna ezagutu du gaur. Aurrelari kanariarrak aurkezpen ofiziala izan du eguerdian Elkano kaleko denda ofizialean. Zale ugari hurbildu dira bere senide berriari ongietorri goxoa emateko.
Angel Oyarzun presidenteordeak lagunduta, Sandrok ez du irri egiteari utzi. Alai eta pozik, ondokoa esan du: “Berarekin bat natorren klubera nator. Aurrera pausoa da nire ibilbidean”. Gogoz da kamiseta txuri urdina ipintzeko. “Partida berezia izango da, baina ez arerioa niri hainbeste eman didan kluba delako, Anoetaren estreinaldia izango delako baizik”, azpimarratu du Sandrok.
