Gure belar hockeyko taldea Madrilera itzuliko da ligari berriro ekiteko. Txuri-urdinek Sanse Complutenseren aurka neurtuko dituzte indarrak, Erreginaren Kopako final-laurdenetako partida errepikatuz.
Txapelketaren azken txanpa honek balio behar du gipuzkoarrek puntuak batzen jarrai dezaten eta ahalik eta gorago bukatzea lor dezaten, ezinezkoa baita lehen lau postuetara iristea, titulurako play offean sartzeko aukera ematen duten lau postuetara, alegia. Nork bere burua gainditzea eta ikasturte-amaiera ona nahi izatea funtsezkoak izango dira gure taldearentzat. Atxurrak gora!