Realak igandean ekingo dio ligako azken jardunaldiari. SPV taldearen aurkako garaipenak, txuri-urdinen bidea erraztu du maila mantentzeko helburuan. Txapelketako lehen itzuli txarrak baldintzatu du aurtengo denboraldia baina konpontzeko gertu dira donostiarrak.
Neskek liga osoan puntu bakarra lortu duen Jolaseta hartuko dute Aieten. Irabaztea besterik ez du balio. Hori eginez gero, txuri-urdinek jaitsiera zuzena eta, ia segurtasun osoz, maila ez galtzeko promozioa ere ekidingo dituzte. Azken urratsa besterik ez da falta. Atxurrak gora!