Realak bana berdindu du Villarrealen aurka Reale Arenan jokatutako partidan. Norgehiagoka parekatua izan da bi taldeen artean. Gerardek eta Oyarzabalek, biek penaltiz, golak sinatu dituzte.
Norgehiagoka alderantziz hasi da. Penalti batek markagailuan aurretik jarri ditu kanpokoak. Gerard Morenok ez du barkatu hamaika metroetatik. Lehen minutu zail horien ostean, Reala finkatzen eta nagusitzen joan da. Barrenetxeak berdintzeko aukera izan du, baina Asenjok baloiarekin egin du topo. Ordu erdi geroago, Pauk Le Normandi egindako penalti baten ostean, Mikel Oyarzabalek berdinketa lortu du. Partida oso parekatua, jokoan eta markagailuan.
Bigarren zatiaren hasieran, Willian Josek erremate on bat lortu du, baina Asenjok kornerrera bidali du baloia. Aukera horretatik haratago, partidak ez du jokaldi handirik utzi bi ateetatik gertu.
Puntu ona aurkari boteretsu baten aurka batzen jarraitzeko. Ostegunerako txipa aldatu behar da berriro ere. Rijeka Reale Arenara iritsiko da. Aupa Real!
Fitxa teknikoa:
Real Sociedad: Remiro, Aritz (Zaldua, min.46), Zubeldia, Le Normand, Aihen (Monreal, min.80), Guevara (Zubimendi, min.69), Merino, Roberto Lopez, Barrenetxea (Portu, min.69), Oyarzabal (kap) (Januzaj, min.80) eta Willian Jose.
Villarreal CF: Asenjo, Mario Gaspar (kap), Albiol, Pau, Estupiñán, Iborra, Trigueros (Coquelin, min.55), Parejo, Pedraza (Kubo, min.74), Gerard eta Bacca (Chukwueze, min.46).
Golak: 0-1: Gerard (pen), min.6. 1-1: Oyarzabal (pen), min.33.
Epailea: Gil Manzano. Txartel horia erakutsi die etxeko Aritz, Le Normand, Barrenetxea, Aihen eta Zubimendiri eta kanpoko Pau, Albiol eta Iborra.
