Gure belar hockeyeko taldeak bana berdindu du gaur arratsaldean Santanderren RS Tenisen aurka. Txuri-urdinak nagusi izan dira ia partida osoan eta bigarren laurdena hasi eta gutxira markagailuan aurrea hartzea lortu dute Agostina Ayalaren bitartez. Neurketan nagusi izan arren, eta garaipena gertu zutenean, etxekoek berdinketaren gola lortu dute amaierarako bost minuturen faltan, penalty korner baten ostean. Bi puntu lortu dituzte lehen bi jardunaldietan Jorge Perezen neskek, eta denboraldiko lehen garaipena bilatuko dute datorren astean Bera Beran, CD Terrassaren aurka.