Gaur arratsaldean aurkeztu da Biarritzeko Parc des Sports Aguileran larunbatean 18:30tik aurrera jokatuko den Real Sociedad – Saint Etienne lagunartekoa, ohiko Seaskaren aldeko lehia.
Jon Bautista eta Kevin Rodrigues jokalariak gerturatu dira estadio biarrotera Joseba Ibarburu, kontseilari txuri-urdina, Patrice Malatray, AS Saint Etienneko kontseilaria, Pierre Bousquier, Biarritz Olympiqueko Zuzendari Nagusia, eta Paxkal Indo, Seaskako lehendakariarekin batera.
Biarritzen jokatu beharreko partidarako sarrera salmenta martxa onean dijoa, Paxkal Indok prentsaurrekoan esan duenez. Zale guztiei gogoratzen diegu klubaren bi denda ofizialetan eros daitezkela (Anoeta eta Elkano 4) arratsaldetik aurrera (16:00) eta baita Biarritz Olympique Pais Basque taldeko webgune ofizialean (www.billeterie-bopb.fr). Sarreren prezioa 20 eurotakoa da helduentzat eta 10 umeentzat.