Beltza, koral koloreko xehetasunekin. Horrela izango da gure 2020/2021 denboraldiko bigarren ekipazioa. Denboraldi ilusionagarria izango da, eta gure izaera eta armarria Europan zehar erakusteko aukera izango dugu. Reala gara eta amaierara arte borrokatzeko prest gaude beti. Gure nortasunaren parte da hau.
‘MPerformanceSystem’ teknologia erabili du Macron-ek ekipazio hau sortzeko. Aurrealdean, kolore beltzarekin batera, forma desberdinak susmatu daitezke kamisetan eta armarria, kasu honetan, silikonazkoa da. Atzealdean, ikurrina brodatua ikusi daiteke. Lepoa bikoitza da eta barrualdean, zinta batean idatzita, ‘Aupa Txuri Urdinak’ esaldia irakurri daiteke.
