Igor Zubeldia, gure zaleek aukeratutako apirilako MVPak, Azkoitiko BM Supemerkatura egingo duen bisita aprobetxatuko du pasa den hileko MVParen entrega ofizialaren ekitaldira hurbiltzen diren zale guztiekin tarte eder bat igarotzeko.
DATA BERRIA: OSTEGUNA
Hasiera batean asteazkenerako antolatua zegoen ekitaldia, Iñaki Alkiza Realeko jokalari eta presidente ohieren heriotza dela eta, ostegunera pasako da. Beraz, gure babeslearekin, Realzale Programako laguntzailearekin, alegia, ostegunean egingo da ekitaldia, 18etatik 19etara, Txerloia auzoan kokatuta dagoen supermerkatuan. Txuri-Urdinak saria jasoko du, MVParen irabazle Jonatan Fernandez bazkidearekin batera, eta ondoren zaleekin egongo da.
Funtzionamendua
Partida bakoitzaren ondoren MVPa bozkatzeari ekiten zaio. Epea itxi ondoren, boto gehien eskuratu duten hiru jokalariek 3 puntu, 2 puntu eta puntu 1 lortzen dituzte, sailkapen orokorrerako. Hilaren bukaeran, kontaketa globalean, hainbat jokalariren artean puntu berdinketa gertatzen bada, futbolari bakoitzak jasotako boto kopuruak edukiko du lehentasuna.
