Dena azken jardunaldian erabakiko da. Realak Malagaren aurka berdindu du. Aukera ezin hobeak ihes egin du. Txuri-urdinek partida bikaina jokatu dute eta garaipena merezi izan dute, baina ez dute saririk aurkitu. Arerioek, Villarrealek eta Athletic Clubek, berdindu dute baita ere.
Realak aurkariak baino joko gehiago izan du eta lehen minututik erakutsi du. Intentsitate handiarekin eta garaipenaren bila atera da taldea. Hala ere, Malaga, bolada onean zetorrela, arriskuarekin iritsi da. Minutuak pasa dira eta txuri-urdinek jokoaren nagusitasuna izan dute. Aukera garbiak iritsi dira ondoren. Raul Navasen burukada atepean atera du arerioaren defentsak. Lehena iristear zegoen eta penalti baten bidez iritsi da. Xabi Prietok sartu du. Willian Josek bigarrena izan du, baina Kamenik gola saihestu du. Luis Hernandezek, azken minutuan, berdinketa lortu du.
Eusebioren taldeak bigarren zatiaren hasieratik bilatu du gola. Erdiraketak, erremateak, jaurtiketak... Willian Jose zutoinarekin topatu da, Oyarzabalek oso gertu izan du gola... Zaleek taldea bultzatu dute eta Realak bigarrena merezi izan du. Aldiz, Reciok, jaurtiketa bikain bati esker, Malagaren gola egin du. Guztiz merezigabekoa izan da. Hala ere, Realak berdinketa bilatu eta lortu du azken minutuetan. Bautistak, burukada baten bidez, bigarrena sartu du.
Jardunaldi bakarra falta da. Irabazi eta itxoin. Berdindu eta itxoin. Europa League txapelketa oso gertu dago.
Fitxa teknikoa
Real Sociedad: Rulli, Odriozola, Raul Navas (Bautista, min. 76), I. Martínez, Yuri B., Illarra, Zubeldia, Carlos V. (Canales, min. 64), X. Prieto, Juanmi (Oyarzabal, min. 57), Willian J.
Málaga CF: Kameni, M. Torres, Llorente, Luis H., Ricca, Recio, Pablo (M. Santos, min.77), Keko (Demichelis, min. 78), Jony (Chory, min. 70), Juankar, Sandro.
Golak: 1-0: X. Prieto (p), min. 31; 1-1: Luis H., min. 45; 1-2: Recio, min. 75. 2-2: Bautista, min.85.
Epailea: Jaime Latre. Txartel horia erakutsi die etxeko Raul Navasi eta kanpoko Torres eta Santosi
Asistentzia: 25.026 ikusle.
