Real Sociedad Fundazioak eta BSTK Basotik Fundazioak “Desioen Basoa” landaketa parte-hartzailea ospatu zuten larunbatean Aian, Gipuzkoako basoak zaintzeko elkarlan berri baten lehen ekintza gisa. Guztira 220 lagunek hartu zuten parte landaketan eta 300 pertsona inguru bildu ziren festa-gunean.
Ekimenak helburu bikoitza izan zuen: batetik, herritarrei basoen zaintzan parte hartzeko aukera luzatzea eta bestetik, biodibertsitatea, lurzorua eta lurraldearen ongizatea sustatzea. Parte-hartzaileek desio bat idatzi zuten eta bertako haritz bana (Quercus robur) landatu zuten, 6 hektareako eremu batean.
Honela, “Desioen Basoa” ekimenarekin, lursail horrek baso autoktono baterantz eraldatzeko bidea abiatu du: harizti gazte baten sorrera, lurraren egonkortasuna hobetzeko eta biodibertsitateari aukera gehiago emateko.
Xabier Arruti Gipuzkoako Foru Aldundiko foru diputatua bertan izan da, Ainara Muga Real Sociedad Fundazioko proiektu arduraduna, Aintzane Encinas, Realeko futbolari ohia, Jon Ander Ostolaza, Basotik Fundazioko gerentea eta Jon Ander Azpiroz, Aiako alkatearekin batera.
Ekitaldia Aiako Ubegun industrialdean hasi zen, eta parte-hartzaileek oinez egin zuten landaketa gunerainoko ibilbidea. Topagunean, giro familiarrean, tailerrak, puzgarriak eta pintxoak eskaini ziren.
Basotik eta Real Sociedad Fundazioak elkarlan honi jarraipena emango diote, Gipuzkoan biodibertsitatea, espezie ezberdinen arteko oreka eta inguru natural osasuntsu baten aldeko urratsak ematen jarraitzeko.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin