Reala European Club Association (ECA) erakundearen Batzorde Betearazlean sartu da. Europako futbol klub nagusiek osatzen dute erakunde hori, eta Europako kluben interesak babestea, indartzea eta garatzea eta nazioarteko futbolaren gaineko erabakiak hartzea du helburu.
ECAren 30. batzar nagusian, Berlinen, Jokin Aperribay presidentea bertan izan dela, Realak ECAosatzen duten gainerako kluben onarpena jaso du Europako erakunde horren Batzorde Exekutiboan sartzeko. Reala ECAren Batzorde Betearazlean sartzeko 1. azpiatalean zeuden bederatzi hautagaietako bat zen, eta horietako zazpik hautatu dira.