Reale Arena urteko RS Enpresak lehen ekitaldiaren eszenatokia izan zen joan den astean. Realaren eta gure fundazioaren enpresa babesle batzuk bertaratu ziren, bertan osasun-protokolo guztiak betez. 'Elkarguneak' izenburupean, Carlos Martinez eta Markel Bergara gure jokalari ohiek futbolean eta enpresetan dauden erantzukizun figurei edo karguei buruz hitz egin eta eztabaidatu zuten: zuzendaritza-estiloak, gatazken kudeaketa, taldeetako rolak, etab. Harreman pertsonalek taldeetan duten garrantziari buruzko anekdota eta hausnarketen artean, lan-saio dinamiko eta aberasgarri bat sortu zen. Ekitaldi berri honetan, klub txuri-urdinaren eta bere enpresa lagunen arteko harreman ona sustatzen jarraitu zen.
