Realak, bere Fundazioaren bitartez, ‘Empresas #PorElClima’ saria jaso du, sektore pribatuko ekintza klimatikoen adibiderik onenak aitortzen dituena. 10+10 Enpresa adibideek #PorElClima Madrilgo Bertelsmann Espazioan Realaren lana aitortu dute enpresa handien kategorian.
Sari hau aurreko denboraldian UD Las Palmasen aurka maiatzaren 4an jokatu zen ‘BerdEguna’ ekimen arrakastatsuari esker lortu da. Ekintza horrek oso harrera positiboa izan zuen Reale Arenan. Ingurumenaren babesa sustatze aldera, jasangarritasunaren aldeko hainbat ekintza egin ziren gure etxean, lehen taldearen partida zela-eta eta hainbat markarekin elkarlanean.
Birziklatzeari buruz kontzientziatzeko jokoak, ‘Reale Arenatik Gipuzkoako Baratzetara’ proiektuak nahi duen bezala ohitura jasangarriak sortzeko ekonomia zirkularraren bidez, elikagaiak berraprobetxatuz, plastikoa bilduz, CO2 eta energia berriztagarriak neurtuz, garraio publikoaren, bizikleten eta patineteen erabilera sustatuz... Ekintza horietan parte hartu zuten zaleen konpromisoari esker hau guztia posible izan zen. Era berean, BM Supermerkatuak, IBK Bike, Ekotrade, Ciclogreen eta Euskoauto enpresen lana ezinbestekoa izan zen ‘BerdEgunean’ parte hartuz.
‘Empresas #PorElClima’ Komunitatearen ekimena da #PorElClima (ECODES-en idazkaritza exekutiboa), Parisko Akordioa eta Enpresen Garapen Iraunkorrerako 2030 Agenda ezartzea bultzatzen duena.
Hautatutako enpresa guztiek erronka berri horri erantzuten diote, 2030erako aurreikusitako emisioak murrizteko helburuetatik harago, bereziki inpaktua neurtzean, emisioen murrizketa kalkulatuan, txosten publikoan eta/edo gizarte-mobilizazioan ardaztutako ekimenak dituzten erakundeak baitira.
