Eskerrik asko, Mirari

Realak eta Mirari Uriak 2026/27 denboraldira arte lotzen zituen kontratua etetea adostu dute. Erabakia bi aldeek adostasunez hartu dute.

Donostiako jokalaria Realaren harrobian hazi zen, eta prestakuntza etapa amaitu ondoren lehen taldeko jokalari bihurtu zen. Bere etapa txuri-urdinean zehar Liga F, Erreginaren Kopa eta UEFA Women's Champions League txapelketetan lehiatu da, beti ere gure koloreak konpromisoz, lanarekin eta profesionaltasunez defendatuz.

Klubetik eskerrak eman nahi dizkiogu urte hauetan guztietan erakutsitako dedikazioagatik, eta zorterik onena opa diogu bere etorkizun pertsonal eta profesionalean.

Eskerrik asko, Mirari!