Gaur arratsaldean Getafe CF hartuko dugu Anoetan. Txuri-urdinak sendo agertu dira beren zaleen aurrean azken jardunaldietan eta gure etxea gotorleku bat bihurtzea helburu nagusietako bat da geratzen diren jardunaldi hauetan. Taldeak behar duen erregulartasuna eskuratzea ezinbestekoa da sailkapenean aurrera egiteko eta hori talde urdina garaituaz hasi behar da.
Arerioa denboraldi bikaina osatzen ari da bere Lehen Mailako itzulerakoan. Taularen erdialdean kokatuak, Jose Bordalasenek ez dute helburua arriskuan izan. Getaferen egoera onaren gako nagusienetariko bat defentsa sendoa da. Gol gutxien jaso dituen LaLiga Santanderreko hirugarren taldea da, Atletico de Madrid eta FC Barcelonaren atzetik 26 golekin. Taldekideek atzealdean egiten duten lan ona Jorge Molina eta Angel Rodriguez aurrelari esperientziadunek borobiltzen dute.
Estatistikek diote Getafe ez dela garaitzeko arerio erraza izango. Realak abiadura eta zehaztasun handiarekin mugitu behar izango du baloia ondo kokatuak egongo diren lerro madrildarrak gainditzeko. Lortuz gero, garaipena gertuago egongo da. Azken trenak ezin du ihes egin. Aurrera mutilak!
