Realak badu aurkaria UEFA Europa Leagueko play-offetarako. Txuri-urdinek Football Club Midtjylland taldearen aurka neurtuko dituzte indarrak partida bikoitzeko kanporaketan. Joanekoa Danimarkan jokatuko da otsailaren 13an eta itzulikoa hil bereko 20an Reale Arenan.
Danimarkako taldea bere ligako egungo txapelduna da eta denboraldi honetan liderra da, FC Copenhagenekin berdinduta. MCH Arena estadioan jokatzen du, Herning hirian. Bere zelaiak 12.000 ikusle ingururentzako lekua du.