Gure belar hockeyeko taldeak garaipen oso garrantzitsua lortu du Erreginaren Kopa jokatzeko aukerak mantentzen jarraitzeko. Txuri-urdinek bost-hiru irabazi diote Atletic Terrassari. Gipuzkoarrak Jone Albaren bitartez aurreratu dira, nahiz eta bigarren laurdenaren hasieran kanpokoek partida berdindu duten. Nereba Belzunegik, hurrengo minutuan, Reala jarri du aurretik berriro ere.
Txuri-urdinek azken laurdenean erabaki dute partida, lau minututan, Estefania Cascallares, Ainhoa Huegun eta Federica Cartaren bitartez. Azken txanpan, dena erabakita zegoenean, katalanek emaitza murriztu dute. Gipuzkoarrak zortzigarren postuan daude lehen itzulia amaitzeko jardunaldi baten faltan. RC Poloren aurka jokatuko dute datorren astean, partida erabakigarri batean.