Aste Santu bakoitzero bezala, Zubietako instalazioak harrobiko futbolaren erdigune izango dira. Beste urte batez goi mailako klubak bilduko dituena, eta bere harrobia zaintzeagatik azpimarratuak direnak. Gaur goizean hasi da txapelketa eta astelehenean jokatuko dira finalak.
Nazioarteko Txapelketak azken urtetako formato arrakastatsuarekin jarraitzen du, Zubietan jokatuko da eta bi kategoriatan banatu: 17 eta 13 urtez azpikoak. 17 urtez azpiko kategorian, Realarekin batera, Real Madrid CF, RC Celta de Vigo, Real Sporting de Gijon, Independiente del Valle eta CA Osasuna arituko dira. Bestalde, 13 urtez azpikoan, txuri-urdinez gain, FC Barcelona, Lille OSC, Ordizia KE, RC Celta de Vigo, EDF Logroño, Real Madrid CF eta CA Osasuna egongo dira.
* Bai Sansek baita Emakumezkoen Taldeak ere Zubietan jokatuko dute asteburu honetan. Neurketa horiek ikusi ahal izateko 5 euro ordaindu beharra dago. Gainera, horrela, partida horiek ikusteaz gain, Nazioarteko Txapelketaz ere disfrutatzeko balio izango du. Bazkideentzat, ohikoa den bezala, eta 14 urtez azpikoentzat sarrera doan izango da.