Realak akordioa lortu du Aritz Elustondorekin bere kontratua 2022ko ekainaren 30 arte luzatzeko. Defentsa txuri-urdinak bi urte gehiago luzatu du bere harremana klub gipuzkoarrarekin. Beasaingo jokalariak akordio berria gaur eguerdian sinatu du Anoetako bulegoetan. Aritz Elustondo “oso pozik” azaldu da Real Sociedad TV -ren aurrean. “Nire bizitzako klubean jarraitzen dut, konfiantza asko eskertzen dut. Lanean jarraitu behar dut”
Beste aldetik, Loren kirol zuzendariak ondorengoa adierazi du: “Kontratua berritu ondoren gaur egungo egoera eta etorkizuneko egoera sendotu nahi dugu. Etxeko jokalaria da eta konpromiso handia erakutsi du. Jokalari oso garrantzitsua da etorkizunari begira”.