Heldu da asteburua eta erronka berri bat proposatzen dizuegu. Azken errezeta txuri urdina! Eta oraingo honetan hanburgesa bat prestatzeko eskatzen dizuegu. Nor animatzen da? Onenak saria izango du!
Hau da Virginia Santesteban gure nutrizionistak proposatutako errezeta. Oraingoan, erabilitako osagaien aniztasuna eta erabilitako ogi motak baloratuko dira. Garrantzitsua da hanburgesaren haragia zuek egitea. Saltsen erabilera ere kontuan hartuko da. Eta etxekoak badira, hobe.
Nola parte hartu
Lehiaketa honetan parte hartzeko hurrengo pausoak bete beharko dira: zaleek euren sare sozialetan #ErrezetaTxuriUrdina edo #RecetaTxuriUrdin hashtag-a erabili beharko dute hanburgesaren argazkiarekin batera. Horretaz gain, izen bat jarri beharko diote eta erabilitako osagaiak aipatu beharko dituzte. Parte hartzeko beste aukera bat [email protected] helbide elektronikora bidaltzea izango da. Maiatzaren 24a, igandea, amaitu baino lehen bidali beharko da informazio guztia. Astelehenean, Virginia Santestebanek lehiaketaren irabazlea zein den esango du.
Saria
Hanburgesa onena prestatzen duen zaleak BM Supermerkatuetan erabiltzeko 100 euroko kupoia irabaziko du.