Gaur 17-18 Denboraldia hasten da. Aurrekoa amaitu zen lekuan hasten da dena. Eusebio Sacristanen gizonek ilusio handiz ekingo diote hiru txapelketetan lehiatu beharko duten urtea. Hiru lehiaketek taldeak erakutsitako mailari jarraipena emateko balio izango dute. Lehena, gaur.
Balaidosera itzultzen gera gaur, baina aurrean izango dugun Celta ez da berdina izango. Juan Carlos Unzuek Eduardo Berizzok utzitako testigua hartu zuen eta aurredenboraldi honetan argentinarraren lanari jarraipena eman du. Iago Aspas kapitainak arriskua eramaten jarraitzen du baloia ondo tratatzen duen taldean. Realak bere ideia mantendu nahi izango du eta jokoaren kontrola bereganatu.