Gaur ez da beste egun bat izan Zubietan. Martin Merquelanzek gogor jarraitzen du lanean jardunaldi bakoitzean Zubietan, eta gaur taldeko gainerako kideekin batera egin ahal izan ditu entrenamenduko lehen ariketak.
Martinek ez du inoiz burua makurtu, ez du inoiz adorea galdu, eta isilean jarraitu du lanean, staff tekniko osoaren eta bere taldekideen babesarekin. Gaur goizean pauso bat gehiago eman du bere errekuperazioan. Oraindik bidea geratzen da, baina albistea ezin da hobea izan.