Hemen da berriro Amets Bat. Real Sociedad Fundazioak antolatutako jarduera hau 2006an hasi zen eta dagoeneko hemeretzigarren edizioa du.
Ekimenean parte hartzen duten Lehen Hezkuntzako bosgarren mailako ikasleek bertatik bertara ezagutuko dute Reale Arena eta estadioko txoko guztietara bisita egingo dute. Ondoren, J.A. Gasca Kiroldegian edo Paco Yoldi Kiroldegian ariketa fisikoa egiteko txanda izango da, bazkaldu ondoren Aquariumera edo Chillida Lekura hurbiltzeko.
70 ikastolek parte hartuko dute jarduera honetan, eta 3.000 ikasle inguru izango dira. Amets Bat bihar hasiko da Azkoitiko Floreaga Ikastetxeko eta Donostiako San Jose Ikastetxeko ikasleen bisitarekin.