"Nola ikusten duzu Ospitalea?" gai nagusia izanik, Donostiako Ospitaleko neska-mutilek benetako idazleak direla erakutsi dute. Atzo Donostiako zentruak Idazkera Lehiaketan aurkeztu diren euskaraz eta gazteleraz idatzitako lan onenak saritu ditu. Irudimen handia eta istorio deigarriak irakurri dira edizio berri honetan. Bertara Carlos Martinez eta Willian Jose jokalariak gerturatu ziren eta baita Realeko Urpeko saileko arduradunak ere umeei sariak entregatzera. Ekimen honi esker, Real Sociedad Fundazioaren laguntzaz, txikienek haien idoloen eskuetatik sariak jasotzeko aukera izan zuten. Realeko Urpeko sailak urpeko bataio bai oparitu zien bakoitzari. Sari banaketaren ondoren, txuri urdinek solasaldi polita izan zuten txiki, guraso eta zentruko arduradunekin.
