Erritmoa irabazten joateko froga ona. Realak hutsna egin du Deportivo Alavesen aurka Tafallan jokatutako lagunartekoan. Partida honen helburua dirua lortzea izan da uztaileko uhaldeetan kaltetuak izan zirenentzat
Txuri-urdinek partida ondo aprobetxatu dute lehen jardunaldietan minutu gutxien izan dituzten jokalariek gaur gehiago joka zezaten. Erritmoa eta lehiaketa sentsazioak hartzen joatea, alegia. Hori zen helburua. Partidak intentsitate handia izan du eta, gainera, entretenigarria izan da San Francisco zelaira gerturatu diren zaleentzat.
Lehen zatian txuri-urdinak nagusi izan dira nahiz eta izan dituzten aukerak ez aprobetxatu. Bigarren zatian Imanolen taldeak baloiaren jabe izaten jarraitu du baina ez da markagailua mugitu.
Fitxa teknikoa
Real Sociedad: Remiro, Gorosabel, Aritz, Le Normand, Monreal (Aihen, min.46), Guevara (Pardo, min.60), Zurutuza (kap)(Zubeldia, min.46), Sangalli, Portu, Barrenetxea (Djouahra, min.60) eta Willian Jose (Merino, min.46)
Deportivo Alaves: Sivera (Castro, min.60), Navarro (Sarriegi, min.69), Laguardia (Burke, min.46), Tachi, Adrian Marin, Pere Pons (Wakaso, min.77), Javi Muñoz (Aleix VIdal, min.77), Luis Rioja (Castillo, min.60), Borja (Lisandro, min.46), Manu García (kap)(Torres, min.60) eta Lucas Perez (Joselu, min.60).
Epailea: Prieto Iglesias. Txartel horia erakutsi die Javi Muñoz eta Tachiri.
