Ipuskoa Anoetan izango da igandean

Datorren igandean mlaka eta milaka gipuzkoarrek hamabost egunetik behin beteko dute liturgia. Eguerdian Anoetara etorriko dira, beti bezala, bere bihotzeko taldea animatzeko, Villarreal CF taldearen aurkako partida izango baita (14:00).

Iragarri zen bezala, atarian Gipuzkoari egindako omenaldiarekin zerikusia duten ekintzak egingo dira, Ipuskoa gure lurrari buruzko lehen aipamena duen eskuizkribua Altzon aurkitu zenetik mila urte bete direla eta.

Posterrak bereizmen handian deskargatzeaz gain, formatu klasikoenean ere eduki nahi badituzu, hemen azalduko dizugu nola jaso. Posterra Anoetako 2B atean eskatu ahal izango da igandean. Biltzeko ordutegia 12etatik 14etara izango da. Gizonezkoen taldearen poster bat eta emakumeen taldearen beste bat oparituko zaizkie bazkide, akziodun edo RS Fan guztiei.

Klikatu HEMEN formatu digitalean ere nahi baduzu (bereizmen handia)

Udan Aralar mendilerroan antzerki emanaldi bat egin zen ospakizun hau ospatzeko. Igande honetan ere emanaldia izango da partidaren atarian, Et Incarnatus Orkestra, Oinkari Dantza Taldea eta Easo abesbatzaren parte-hartzearekin. Aldez aurretik etorri Ipuskoari merezitako keinu hau egitera.

Jakinarazi zen bezala, 24-25 partiden % 100ean parte hartu zuten bazkideei eskerrak emanez eta gure babesle Alkainen laguntzari esker, klub txuri urdina "Leialtasuna" bufanda oparitzen ari zaie Anoetako partida guztietara (Liga eta Kopa) joan ziren 5.690 bazkideei.

Bufanda Alkainen jaso daiteke hilaren 29a baino lehen. Bazkide-txartela Alkainek Astigarragan eta Hondarribian dituen dendetako edozeinetan bakarrik aurkeztu beharko da.

Beste aukera gisa, Villarreal CF taldearen aurkako partidan (hilaren 30ean, 14:00etan), karpa bat jarriko da Realaren dendaren ondoan, 13:00etatik 17:00etara. Bazkide-txartela bakarrik aurkeztu beharko da.