Gure belar hockeyeko taldeak Club de Campo bisitatuko du igande honetan, denboraldiko une zail batean. Txuri-urdinek ez dute garaipenik lortu bigarren itzuli honetan eta sailkapeneko azken postuan daude; beraz, puntuatzea gero eta garrantzitsuagoa da. Ez dute lan erraza izango, aurtengo txapeldunak izango baitituzte aurrean, eta momentuz porrotik jasan ez duen taldea (bederatzi garaipen eta berdinketa bat). Emaitzak ez dira orain arte espero zirenak izaten ari, baina baikor izan beharra dago, zazpi final geratzen baitira aurretik, eta gipuzkoarrek ez dute azken hitza esan. Atxurrak gora!