Jokin Aperribay presidenteak eta Nerea Aramburu kontseilariak datorren azaroaren 29ko Akziodunen Batzarraren xehetasunak eman dituzte gaur goizean Reale Arenan.
Talde txuri-urdinak, 21-22 ekitaldiari dagokionez, 4 milioi euroko emaitza negatiboa aurkeztuko du. Emaitza hori COVID efektuaren ondorioz 4 milioi euroko telebistako diru-sarrerak murriztu izanaren ondorio da, eta LaLigak ekainean eman zion horren berri Klubari.
22-23 urteari begira, 128 milioi euroko gastuen aurrekontua egin da. Uztailaren 30ean egindako aurrekontua da, eta ez da kuoten igoerarik aurreikusten, ezta klubaren aldeko egunik ere.
“Reala pandemiatik indartuta atera da eta egoera onean dago arerio zuzenekin alderatuta”, esna dute biek. Administrazio Kontseilua, gainera, berrautaketara aurkeztuko da, “indarrez gaudelako, Zubietan oso proiektu polita dagoelako eta sortutako egoera bultzatzeko unean gaudelako eta horrek ilusio handia sortzen digulako. Jarraitzeko erabakia hartu genuen eta akziodunei beste bost urterako gugan konfiantza izatea eskatzen diegu”, adierazi du presidenteak.
Kirol-egoerari eta bart UEFA Europa Leagueko final-zortzirenetarako sailkapen arrakastatsuari dagokionez, Aperribaik eskerrak eman dizkie zaleei, “taldea eta kluba hegan daramatzatelako”, jokalariei, “jarrera horrekin taldea oso urrun eramango dutelako”, Imanol eta staff teknikoari, “taldea nola gidatzen ari diren ikusita, erronka handiagoetan pentsatuz”, eta Olaberi, “Zubietan irudikatzen duen guztiagatik eta Realak hazten jarraitzeko daraman bideagatik”.