Realak ezagutzen du Errege Koparako lehen aurkaria. Gaur eguerdian Espainiako Futbol Federazioak Las Rozasen duen egoitzan egindako zozketaren ostean, Realak Kordobaren aurka neurtuko ditu indarrak final-hamaseirenetan.
Kanporaketa, partida bakarrera, Nuevo Arcangel zelaian jokatuko da urtarrilaren 20an (eguna eta ordua zehazteke).
Aurrekari bakarra dago bi taldeen artean, 12-13 denboraldikoa. Orduko hartan Reala kanporatuta geratu zen. Joanekoan, Kordoban, etxekoek bi eta huts irabazi zuten eta itzulikoan, Donostian, partida binako berdinketarekin bukatu zen.