Datorren irailaren 18an, osteguna, 20:30ean, Keler Espazioak oso ekitaldi berezi bat hartuko du: ‘WE ARE REAL BOISE’ dokumentalaren aurkezpena.
Abuztuaren 1ean Boiseko estreinaldiaren ostean, etxean egingo den lehen proiekzioa izango da. Dokumentalak Idahoko (AEB) Txuriurdin Amerikanuak peñaren inaugurazioa erakusten du, eta, Xabi Prietok eta Zuhaitz Gurrutxagak kontatua, ahotsa ematen die euskal diasporaren testigantzei eta Atlantikoaren beste aldean Realak sortzen duen pasioari. Dokumentala osorik euskaraz grabatu da, eta gaztelaniazko azpitituluekin dator.
Arratsaldea Zuhaitz Gurrutxagaren aurkezpen labur batekin hasiko da; ondoren, eta proiekzioaren aurretik, euskarazko bakarrizketa txiki bat eskainiko du, bere umore bereizgarriarekin.
Ordutegiak eta pintxo-pote osteguna
Ateak 19:30ean irekiko dira, ekitaldia 21:30ak aldera amaituko da eta izen-ematea doakoa da. Edukiera mugatua denez, sarrerak izena eman ahala banatuko dira. Ekitaldi osoan zehar, osteguneko pintxo-pote eskaintza izango da. Egin klik HEMEN, eman izena eta lortu zure sarrera(k).
