Ba al dago asteburua hasteko modu hoberik Reala hurbilagotik ezagutzea baino? Larunbat goizean zehar, Reale Arenan eta Zubietan, Kutxabankek (babesle txuri-urdina) antolatutako klinik bat izango da. Jardunaldi horretan, hamabost helduk hartuko dute parte, seme-alabekin batera, esperientzia horretaz gozatzeko gogoz.
Eguna hasteko, bisita gidatua egingo dute estadioan zehar. Bertan, lehen taldeko aldagela, prentsa-aretoa, aldageletako tunela, palkoa eta Reale Arenako zelaia ezagutuko dituzte, eta, ondoren, Zubietan, entrenamendu-saio bat osatuko dute Realeko teknikarien begiradapean, eta hainbat jolasekin gozatuko dute. Amaitzeko, luntx goxoa dastatuko dute eta, seguru, irribarre asko egingo dituzte.