Pablo Marinen denboraldia bikaina da. Gure zaleek martxoko jokalaririk onena izendatu dute. Bihar erdilari txuri urdinak bere lehen MVP saria jasoko du gure babeslea den BM Supermerkatuen eskutik.
Ekitaldia bihar egingo da Zarauzko BM Supermerkatuan (Lege Zaharren Enparantza). 18etatik 19etara Marinek autografoak sinatuko ditu eta gertutik ezagutu nahi duten realzale guztiekin argazkiak aterako ditu.
Funtzionamendua
Partida bakoitzaren ondoren MVPa bozkatzeari ekiten zaio. Epea itxi ondoren, boto gehien eskuratu duten hiru jokalariek 3 puntu, 2 puntu eta puntu 1 lortzen dituzte, sailkapen orokorrerako. Hilaren bukaeran, kontaketa globalean, hainbat jokalariren artean puntu berdinketa gertatzen bada, futbolari bakoitzak jasotako boto kopuruak edukiko du lehentasuna.
