Gaur, 12:00etan, itxi da Europa Leagueko Union Saint Gilloiseren (urriaren 15ean, 18:45ean) eta Lillestrom SKren (urriaren 22an, 21:00etan) aurkako partidetarako izena emateko epea. Guztira, 383 eskaera jaso dira Union Saint Gilloiseren aurkako partidari begira, eskatzaileak eta bidaideak kontuan hartuta, eta 244 Lillestrom SKren aurkako partidarako. Eskaera guztiak sarrera izango dute.
Sarrerak eskatu dituen pertsonak mezu elektroniko bat jaso du gaur arratsaldean, sarrerak ordaintzeko jarraitu beharreko jarraibideekin. Ordainketa egiteko 24 orduko epea izango du. Ordainketa egin ondoren, eta partida baino 48 ordu lehenago, sarrerak formatu digitalean jasoko ditu, Abonatuaren Atarian erabiltzaile-profilaren helbide elektronikoari lotutako helbidean.
Urriaren 17an, ostegunez, 12:00etan, geratzen diren sarrerak Abonatuaren Atariaren bidez erreserbatzeko aukera gaituko da, sarrerak agortu arte. Eskaera egiten duen pertsonak bazkidea edo RS Fan izan beharko du, eta bidaide bat gehitu ahal izango du; bidaideak ez du zertan bazkidea edo RS Fan izan.
Garrantzitsua: sarrerak izendunak izango dira. Datu pertsonalak eskatuko dira (izena, abizenak, jaioteguna eta NAN edo pasaportearen zenbakia). NANa estadioaren sarbidean eskatuko da, eta ezingo da eserlekua esleituta duen pertsona ez den beste inor sartu. NANik ez duen adingabe bat heldu batekin joanez gero, familia-liburua aurkeztu beharko da sarbidean.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin