Bueltan da Anoetako Tourra

Tarte batean bisitarik gabe egon ondoren, Anoetak berriro irekiko ditu ateak, zaleek eta bisitariek gure etxea ezagutzeko aukera izan dezaten. Realak Anoetako Tourra eta Matchday Tourra berreskuratu ditu. Bi aukera horiei esker, bisitariek estadioaren instalazioak eta txokorik esanguratsuenak ezagutu ahal izango dituzte, baita partida baten aurreko orduetan esperientzia hori bizi ere.

Anoetako Tourra: ezagutu estadioa barrutik - Sarrerak

Anoetako Tourrak aukera ematen du estadioaren instalazioak bisitatzeko eta bertako txokorik esanguratsuenetako batzuk ezagutzeko.

Ibilbidean zehar, honako leku hauek bisitatuko dira: auditoriuma, taldearen autobusa iristen den aparkalekua, klubaren garaikur nagusiak ikusgai dituen aldageletako tunela, kondairen pasealekua, aldagelak, aulkiak, prentsa aretoa, presidentearen palkoa eta Keler Espazioa.

Bisita Realaren denda ofizialean amaituko da, eta tourrean parte hartzen dutenek % 5eko deskontua izango dute erosketetan.

Esperientzia publiko guztientzat dago pentsatuta, mugikortasun urriko pertsonentzat egokitutako ibilbidea du eta hainbat hizkuntzatan dago eskuragarri.

Sarrerak eta prezioak

·       5 urtetik beherakoak: doako sarrera.

·       5 eta 11 urte bitartekoak: 6 euro bazkideentzat eta RS Fanentzat, eta 10 euro gainerako zaleentzat.

·       12 urtetik gorakoak: 12 euro bazkideentzat eta RS Fanentzat, eta 18 euro gainerako zaleentzat.

Dagoeneko salgai daude hurrengo egunetarako sarrerak.

Kontsultatu erabilgarritasuna eta erreserbatu zure sarrerak.

Matchday Tourra: bizi Anoetako giroa partida hasi aurretik - Sarrerak

Matchday Tourrak aukera ematen du Anoeta partida baten aurreko orduetan bisitatzeko, estadioa futbol jardunaldi berri baterako prestatzen ari denean. Bisitariek partidarako prestatutako aldagelak ikusi ahal izango dituzte, jokalariak iritsi aurretik zelairako irteerako tunelean barrena ibili eta aulkietan eseri.

Bisitan, honako leku hauek ere ezagutuko dituzte: auditoriuma, taldearen autobusa iristen den aparkalekua, garaikurren tunela, kondairen pasealekua, prentsa aretoa eta presidentearen palkoa.

Ibilbidea Keler Espazioan amaituko da, Anoetako gastronomia eta entretenimendu gunean. Bertan, bisitariek partida aurreko giroaz gozatzen jarraitu ahal izango dute, zaleen ikuspegitik.

Matchday Tourra mugikortasun urriko pertsonentzat egokituta dago, eta estadioa beste modu batera ezagutzeko eta partida bakoitzaren aurreko giroa bizitzeko aukera eskaintzen du.

Sarrerak eta prezioak

·       5 urtetik beherakoak: doako sarrera.

·       5 eta 11 urte bitartekoak: 15 euro bazkideentzat eta RS Fanentzat, eta 20 euro gainerako zaleentzat.

·       12 urtetik gorakoak: 25 euro bazkideentzat eta RS Fanentzat, eta 35 euro gainerako zaleentzat.

Dagoeneko salgai daude etxeko hurrengo partidetarako sarrerak.

Kontsultatu erabilgarritasuna eta erreserbatu zure sarrerak.

Ordutegiak eta erreserbak

Erreserben egutegietan kontsulta daitezke bisitak egiteko egunak eta ordutegiak. Egutegi horiek eguneratzen joango dira, Anoeta bisitatzeko aukera berriak eskainiz. Ordutegiak aldatu egin daitezke, estadioan jokatzen diren partiden edo antolatzen diren ekitaldien arabera.