Realak entrenamendu saio berri bat egin du gaur Zubietan. Lehen taldeak prestaketa-lanetan jarraitzen du bihar CA Osasunaren aurka jokatuko duen lagunarteko partidari begira.
Partida 19:00etan jokatuko da José Luis Orbegozo zelaian eta denboraldiaurre honetan LaLigako aurkari baten aurka jokatuko den lehen testa izango da. Realak beste prestaketa partida batekin osatuko du astea larunbatean, Zubietan berriro ere, Stade Rennais talde frantziarraren aurka.