_338_.jpg)
Realak askoz gehiago merezi izan du. Partida oso ona jokatu du, baina bi penaltiekin galdu egin du, bigarrena ulertezina, Real Madriden aurka. Txuri-urdinek hiru baloi jo dituzte egurrean eta ordaindu egin dute.
Reala indartsu atera da partidara, nahiz eta lehen aukera Mbappek izan duen ezkerrez egindako jaurtiketa batekin, Remirok erantzun bikaina eman ondoren. Kanpokoak argiago hasi dira nagusitzen, nahiz eta donostiarrek abagune argia izan dute Sucicek langara bidali duen ezkerkada batekin. Erantzuna berehala iritsi da, eta Militaoren burukada batean, Remirok esku bikaina atera du. Partida gehiago ireki da eta zorteak bizkarra eman die donostiarrei, beste jokaldi on batean, Beckerrek, ezkerrarekin, baloia langara bidali baitu. Beste aldean, Mbappek beste aukera on bat bidali du kanpora. Imanolen mutilek asko bultzatu dute lehen zatiko azken minutuetan, markagailuan aurreratzea merezi izan dute, baina atzealde zuriak eta Courtoisek eragotzi egin dute.
Berriro hasi eta hogei segundora, egurra berriro. Sučić Courtoisen aurrean jarri da eta kroaziarrak zutoinera bidali du berriro baloia. Zorte txarra. Eta horrelakoetan gertatzen dena, barkatzen duenak ordaintzen duela. Epaileak penaltia adierazi du Sergio Gomezen eskuagatik eta Viniciusek Remiro gainditu du zuriei abantaila bidegabea jarriz. Realak saiatzen jarraitu du eta Zubeldia eta Arambururen burukada bikoitzarekin erantzun du, goletik gertu izanda. Baina txuri-urdinen ahalegin guztia ezerezean geratu da, Mbappek gola sartu ostean VARak abisua eman ondoren. Ez zen penaltia. Ulertezina.
Hor amaitu da partida. Realak ezin izan du gainditu eta beste porrot bat jaso du etxean. Gaur gaueko lanarekin, jarrerarekin eta jokoarekin garaipenak iritsiko dira. We are Real.
Fitxa teknikoa:
Real Sociedad: Remiro, Aramburu, Zubeldia (kap), Aguerd (Pacheco, min.75), Javi López (Aihen, min.78), Zubimendi, Sučić (Turrientes, min.75), Sergio Gómez, Becker (Barrene, min.63), Take eta Sadiq (Óskarsson, min.63)
Real Madrid: Courtois, Carvajal, Militao, Rudiger, Mendy, Valverde, Modric (kap), Arda Guler (Lucas Vázquez, min.77), Brahim (Rodrigo, min.24), Vinicius eta Mbappé (Endrick, min.88).
Golak: 0-1: Vinicius (pen.), min.58. 0-2: Mbappé (pen.), min.75.
Epailea: Martínez Munuera. Txartel horia erakutsi die etxeko Sadiq, Aramburu, Pacheco eta Barreneri eta kanpoko Modrici.
Asistentzia: 37.370 ikusle.