‘Made in Gipuzkoa’ gau bat

Duela astebete historia egin zuten. Ordu batzuk geroago, lur jota geratu ziren beraien jendearen maitasunarekin. Eta bart Realeko zaleen txanda izan zen. Arraun Lagunak eta Orio, Kontxako Bandera irabazi zuten traineruak, kirol gogor honetako saririk entzutetsuena, ohorez omendu zituzten partidaren atarian.

Bi traineru gipuzkoarren arraunlariek, zuzendaritzako kideekin batera, erabateko itxieraz gozatu zuten Anoetan. Haien ligak eta urteko banderarik garrantzitsuena irabazi ondoren merezi zuten gutxienekoa zen. Gainera, talismanak izan ziren taldearentzat, eta lehen garaipena lortu zuten. Toshackek esaten bazuen...