Gure belar hockeyko taldeak 2-8 irabazi dio gaur goizean Sardinero HC taldeari. Txuri-urdinek partida bikaina jokatu dute, nagusi izan dira eta denboraldia borobil bukatzea lortu dute.
Donostiarrak nagusi izan dira norgehiagokoan, baina bigarren laurdenera arte ez dute lehen gola sartzeko aukera izan. Federica Cartak ireki du markagailua eta abantaila eman dio taldeari. Hirugarren laurdenean, txuri-urdinek aldeak handitu dituzte eta hiru tanto egin dituzte. Ruggieri eta Sanchez, partida bikoitzean, izan dira arduradunak. Azken laurdena hasi eta gutxira, Julieta Grenonen golari esker lortu dute etxekoek lehenengoa sartzea. Handik gutxira gure taldeak tartea handitzea lortu du, Molinak ez baitu huts egin atezainaren aurrean. Bost minutura Ruggierik sartutako gol bikoitzarekin markagailuan 1-7koa jarri du. Ia denborarik gabe Julieta Grenonek bigarrena egitea lortu du. Azken txanpan Cartak partida erabakita uztea lortu du eta zortzigarrena sartu du.
Txuri-urdinek denboraldia ahalik eta ondoen amaitzea lortu dute, garaipenarekin eta sentsazio onak utziz. Joan den astean zaleen aurrean agurtu ziren arren hau izan da Maider Altunak eta Ane Erguinek jokatu duten azken partida. Orain indarrak hartzea tokatzen zaie, datorren aldian energia handiz aurre egiteko. Atxurrak gora!