Nizarako sarrerak

Reala irailaren 25ean estreinatuko da 24-25 Europa Ligan. OGC Nice taldea bisitatuko du Allianz Rivieran (21:00), lehiaketaren formatu berriaren lehen jardunaldian. Frantziako klubak 1.775 sarrera bidaliko ditu, eta honela banatuko dira:

- 1.525 gure bazkideentzat.

- 50 gure laguntaldeentzat.

- 200 Halcon Viajesentzat.

Sarrerek 25 euroko prezioa izango dute. Bazkideek edo RS Fanek sarrera eskatu ahal izango dute beraientzat eta nahitaez bazkide edo RS Fan ez den laguntzaile batentzat. Sarrerak eskatzeko formularioa gure webgune ofizialean aktibatu da.

Eskaerak egiteko epea ostegunean itxiko da, 12:00etan. Eskainitako sarreren kupoa gainditzen bada, ostegunean zozketa bat egingo da izena eman duten bazkide eta RS Fans guztien artean. Egun horretan bertan jakinaraziko dira emaitzak.

- Inprimaki bakoitzeko gehienez 2 sarrera eskatu ahal izango dira. Eskatzaileak bazkide edo RS Fan izan beharko du, eta bazkidearen edo RS Fanen IDa, izena, abizenak, NANa eta telefono-zenbakia sartu beharko ditu.

- Laguntzailearekin joan nahi baduzu (ez du zertan bazkidea izan), bere  izena, abizena eta NANa ere sartu beharko dituzu.

- Tokatzen bazaizu, sarrerak Reale Arenako leihatilatik ostiralean jasoko dira, 10:00etatik 20:00etara. Erretiratzeko, eskabidea berresteko emaila aurkeztu beharko da, jasotzen duen pertsonaren bazkide-txartelarekin edo NANarekin batera.