Ongi etorri zuen etxera

LaLigako denboraldi berria hasten da asteburu honetan eta Realean prest gaude Rayo Vallecano hartzeko Reale Arenan. Denboraldiaurre intentsu eta landu baten ondoren, gure taldea inoiz baino batuago eta motibatuago dago taulako goiko postuetan mantentzeko erronkari aurre egiteko, azken urteetan erakutsi baitugu sailkapen postu horien jabe garela. Lehen partida beti da berezia, eta ez dago hasteko modu hoberik etxean garaipena lortzea baino.

Rayo Vallecano beti da talde desorosoa. Aurreko denboraldietan erakutsi dute aurkari gogorra direla, joko ausarta proposatzen dutela eta edozein unetan arriskua sor dezaketen kalitatezko jokalariak dituztela. Badakigu puntuak eskuratzeko asmoz etorriko direla Donostiara, baina etxean indartsuak gara eta konfiantza dugu gure gaitasunean lehen minututik nagusitzeko. Zuen babesa dugu, beti erabakigarria partida estuetan.

Helburua argia da: denboraldia garaipen batekin hastea, azken kanpainetako arrakasten gainean eraikitzen jarraitu ahal izateko. Badakigu ez dela partida erraza izango, baina ziur gaude, lanarekin, kontzentrazioarekin eta zuen babesarekin, hiru puntuak lor ditzakegula LaLiga modu ezin hobean hasteko. Ongi etorri Reale Arenara, ongi etorri zuen etxera. Aurrera Reala!