Reala bere azken urteetako hitzordu handienetako baten aurrean dago. UEFA Champions Leagueko final-zortzirenetako itzulerako kanporaketak Frantziako hiriburura eraman ditu donostiarrak, bihar Paris Saint-Germainen aurka indarrak neurtzeko.
Espedizio txuri-urdina Miarritzetik abiatu da gaur goizean eta, maitasunaren hirian lur hartu ondoren, arratsaldean Printzeen Parkean aritu da. Roberto Olabe futbol zuzendariak gaur goizean adierazi duen bezala, Realak ‘zortzi mila’ horri errespetu handiz egingo dio aurre, zailtasunaren jakitun, baina esploratzaile batek gailurra egiteko duen espiritu ausart eta abenturazalearekin".