Porrot gogorra

Real C-k Lagun Onaken aurka galdu du gaur gauean (1-4) Zubietan. Txuri-urdinek indartsu hasi dute norgehiagoka, lehen minutuetan nagusi izan dira eta aurkariaren atea hasieratik bilatu dute. Saria hasi eta berehala iritsi da: Jakes Gorosabelen jaurtiketa baten ondoren, Aritz Amenabarrek, aldentzeko ahaleginean, bere atean sartu du baloia.

Golak, ordea, aurkariak esnatu ditu. Zoritxarreko ekintza batean, Tompa atezainak baloia galdu du area barruan eta, hura berreskuratzeko ahaleginean, penaltia egin dio Jon Sorazuri. Epaileak penaltia adierazi du eta txartel gorria erakutsi dio Tompari. Unax Odriozolak ez du barkatu hamaika metroetatik eta markagailua berdindu du.

Bigarren zatian, txuri-urdinek harrotasuna erakutsi dute eta golaren bila jarraitu dute Jakes Gorosabelen aukera argiekin, baina jokalari bat gutxiagorekin egindako ahalegina oso gogorra izan da. Jon Sorazuk aurretik jarri ditu kanpokoak eta, handik gutxira, Erdoziak aldea handitu du. Azken minutuetan, Odriozolak bere bigarren gola sartu du neurketa erabakita uzteko.

Porrot gogorra gure hirugarren taldearentzat. Jokalari bat gutxiagorekin egon arren, gogor lehiatu eta saiatu direla. Hurrengo jardunaldian Pasaiaren kontra jokatuko dute kanpoan, garaipenaren bidera itzultzeko asmoz.

Fitxa teknikoa:

Real C: Tompa, Peral, Oleaga (Adjabeng, min. 81), Calderón, Sáenz, Arana (Elcano, min. 71), Ayo (kap.), D. López (Garitaonaindia, min. 71), Samuyiwa (Shuaib de Souza, min. 81), Larralde (Jímenez, min. 27) eta J. Gorosabel.

CD Lagun Onak: Bastida, Leunda, A. Amenabar, Yudego, M. Letamendia (A. Muñoz, min. 75), Gabilondo (Erdozia, min. 60), Aristi (I. Alberdi, min. 75), Ucín, Sorazu (L. Pecharromán, min. 70), Uria (A. Letamendia, min. 60) eta U. Odriozola.

Golak: 1-0: A. Amenabar (p.p.), min. 4; 1-1: U. Odriozola (pen.), min. 28; 1-2: Sorazu, min. 60; 1-3: Erdozia, min. 63; 1-4: U. Odriozola, min. 75.

Epailea: Ignacio Garro. Txartel horia atera dio etxeko Adjabengi. Etxeko Tompari txartel gorri zuzena erakutsi dio (min. 26).