Reala RB Leipzig talde alemaniarrarekin gurutzatuko da UEFA Europa Leagueko final-hamaseirenetan. Joaneko partida Red Bull Arenan jokatuko da otsailaren 17an eta itzulerakoa, 24an, Reale Arenan.
RB Leipzig kluba Alemaniako talde handi bihurtu da azken urteotan, bere ahalmen ekonomikoari esker. Bundesligako egungo txapeldunordea, 19-20 denboraldian Txapeldunen Ligako final-laurdenetaraino iritsi zen. Domenico Tedescok entrenatzen du, joan den astean izendatu zuten Jesse Marsch kargutik kendu zutelako, eta Forsberg, Poulsen, André Silva edo Dani Olmo bezalako jokalariak ditu.